cerita cinta romantis

Aku lagi asik online main fisbuk, tiba-tiba ada chating masuk :

Haii.. ''ujarnya marawa aku''
Hai juga.. ''aku manjawab''
Bulih kanalan lah?? ''ujarnya batakun''
Bulih.. ''aku jawab''
Ikam anak mana? ''inya batakun lagi''
Kaltim, asli Amuntai kalsel.. ''ujar ku''

Kami pun bapandiran ini itu, akhirnya sampai jua dengan partanyaan nang sangat pribadi.

Ikam sudah baisi pacar kah? inya batakun.
Dengan capat aku manjawab ''SUDAH''

Tanpa ada rasa basalah, inya batakun lagi :
''Ikam hakunlah jadi pacarku?''

Aku takajut dan langsung bapikir, ''ini urang aneh atau aku nang salah manjawab''

Lalu ku jawab dengan tegas :
''Maaf, aku sudah mampunyai sasaurang nang aku sayang''

Aku kira inya mangarti dan kada lagi batakun, tapi kada ku duga inya basuara kaya ini :
''Ikam sudah lawas kah pacaran di dumay? Jadi pacar ku haja!! Kan di dumay itu pacar kada cukup kalau hanya saikung haja''

Aku manjawab :
''Maaf, ikam salah urang. Aku jatuh cinta mimang di dumay dengannya...
Namun cintaku nyata, sayangku tulus, banyu mata ku pun sama saat sakit itu ada aku pun manangis, saat camburu itu datang aku pun sarik, dan saat aku bahagia aku pun bisa tartawa kasukaan.
Apa ini ikam anggap maya??''

Aku kada tahu apa reaksinya disana mambaca apa nang aku tulis, tapi aku masa bodoh dengan parasaannya mambaca tulisanku.

''Hehe.. Bujur jua apa nang ikam sambat, siip deh gasan ikam'' ujarnya

Hee.. Saat itu aku hanya tarsenyum
________________________

Sakarang aku manulis gasan ikam sayang :

Ingat 2 haja, jaga matamu agar ikam kada malihat foto lain nang jauh labih tampan, tapi tarnyata itu palsu, ikam kada tahu jua..

Jaga hatimu agar slalu untukku karna aku asli dan nyata nang hanya tartutup maya karna raga nang barjauhan, andai kada jauh ku pastikan aku bisa manjabat tanganmu agar kada ada maya..

Jika ikam ma'ingat pasanku, aku yakin kita bisa manjadikan ini nyata.

Maaf kada hanya gasan ikam haja sayang
Tapi gasan dangsanak sabarataan nang hanya maobral cinta nangkaya baju bakas dipasar loak..

Maaf ini lain kisah lucu atau garing
Tapi ini nyata realita nang tartutup maya